انا ارهابى
و ابويا ارهابى
وكل حياتى فى الارهاب
حعيش ارهابى و اموت ارهابى
و اربى ولادى على الارهاب
*****
باصحى الصبح احمد مولانا
اللى حيانا
ورد الروح من بعد غياب
امى تقولى : اتوضى وصلى
باب مولانا ما زيوش باب
شفتوا ازاى بتربى ولادها على الارهاب
*****
ساعة الفجر الديك بيكبر
والقى ابويا وراه بيرد
الله اكبر .... الله اكبر
بكره يقول لله الحمد
آه لو قالها
مش حيطاطى راسه لحد
ولا حيهاب
أصله فى بيتنا
وبيتنا اتربى على الارهاب
*****
لما اتوضا و اروح على الجامع
باسمع صوت بيهز مسامع
صوت قرآن الفجر الخاشع
يفرح قلبى و تبكى مدامع
عم الشيخ يا إمام الجامع
فين اسلامنا ؟؟
يقولى : دا راجع
راجع راجع بعد غياب
شفتوا ازاى الشيخ بيحرض على الارهاب
*****
عم لاشين ارهابى متين
يخطب تسمع له الملايين
قالها فى مرة و كنت انا قاعد
يلا اتقدم يا بنى و جاهد
عايزين قوة جيل و سواعد
نهزم بيها شريعة الغاب
شفتوا ازاى الشيخ بيحرض على الارهاب
*****
الشيخ سيد
سيد عسكر
علم وهيبة و خريج أزهر
نهر وصافى ولا بيتعكر
يشرب منه العطشان يسكر
بكره حيعمل لينا معسكر
و يدربنا على الارهاب
شفتوا ازاى الشيخ بيحرض على الارهاب
*****
وجدى غنيم ابن الارهابى
وجدى غنيم دا كلامه شبابى
يجمع كل كلامه فى حسبه
تسمع منه حديث و حساب
هو كمان عمال بيحرض على الارهاب
*****
حسن البنا مجدد عصر
كان ارهابى بيعشق مصر
قال : يا شباب ارفعوا قرآننا
دا انتوا بشاير جيل النصر
تسلم ايدك يا ابن البنا
ياللى زرعت الارض شباب
تسلم ايدك يا ابن البنا
ياللى اتربيت على الارهاب
*****
فإذا كان ديننا دا دين ارهابى
و سيدنا محمد شيخ ارهاب
فأنا ارهابى و ابويا ارهابى
وكل حياتى فى الارهاب
حعيش ارهابى و اموت ارهابى
و اربى ولادى على الارهاب
ليست هناك تعليقات:
إرسال تعليق