وقال ابو الغيط بحسب ما نقلت عنه وكالة انباء الشرق الاوسط المصرية الخميس "من سيكسر خط الحدود المصرية ستكسر قدمه" مذكرا بان بلاده سمحت للفلسطينيين بالعبور الى اراضيها لاسباب انسانية بحتة।
ايه القرف دا و ايه السخافة دى و حتكسر رجل مين ياعم انت خليك علىمستو الاحداث و بلاش تكون اهبل
- يا عم التلاتين راجل فى بعض لو كنت تقدر تكسر رجل حد انت و الحكومة بتاعتك طب ورينا الجدعنة كده مع اسرائيل حاول كده تكسر رجل واحد اسرائيلى ولا اى واحد من اى جنسية من اللى بيدوكوا اوامر ليل نهار و بيحكموا البلد غصب عنكم و لا انت راجل بس على الفلسطينيين الغلابة بص لو عايز ما تبقاش هجاص يبقى قول حاكسر رجل اى فلسطينى وطنى عنده كرامة يحاول يشترى اكل او دواء من مصر لكن اليهود و الامريكان و غيرهم فاهلا بهم و سهلا و الحدود مفتوحة لهم
- و بعدين هى ايه يعنى الحدود المصرية تقدر تقولى مين اللى رسم الحدود دى .... لو مكسوف تقول اقولك انا .... اللى رسم الحدود بين الدول العربية هى قوات الاحتلال الغربى الصليبى بهدف تقسيم الدول العربية و اضعاف قوتها واللى لا يحاول التخلص من هذه الحدود هو يفعل بالظبط ما تريده القوى الغربية الصليبية فهو اما حمار مش فاهم اى حاجة او هو عميل و بياخد اوامر من الغرب الصليبيين و بيشتغل لصالحهم و بياخد المقابل بسكوتهم على عمايلة السودة فى بلاده و استعباده لشعبه و لو كانت الحدود دى فى مصلحة البلد ما كانتش كل الدول الكبرى تتخلى عن التقسيم وتتوجه الى التكتل و الوحدة ما تروح تشوف امريكا اكتر من خمسين ولاية متوحدين ॥ اوروبا اكتر من عشرين دولة متوحدين ولاغيين الحدود و التاشيرات بينهم مع انهم لغات مختلفة و ثقافات مختلفة و ظروف مختلفة لكنهم ادركوا ان القوة و التقدم فى الوحدة و التجمع مش فى التفرق انا سعادة الوزير المغوار بتاعنا و امثاله من عبيد الغرب لا يسمحون بانتقال شيئا من الحضارة الغربية الينا غير الافلام الاباحية
-و بعدين بص بقى لو قلت انكم سمحتم للفلسطينيين بالدخول علشان اسباب انسانية تبقى بتضحك على و عايزنى اصدقك و انت عارف انى عارف انك كذاب الغزاويين دخلوا غصبا عنكم بعد ما فجروا السور و لو كنتم تقدروا تعملوا حاجة كنتوا عملتوا لكن لم تفعلوا لسببين اولهم ان ما كانش فيه جنود كافيين هناك لحماية الحدود و دا طبعا بسبب معاهدة كامب ديفيد و الثانى ان الشعب كان متعاطفا تعاطفا شديدا مع اهل غزة و كانت البلد حا تتقلب عليكم لو عملتم حاجة و انتوا مش ناقصيين
طب ياعم الانسان لو كنت انسان بجد ماتسيب الناس تدخل تشترى اللى هى عايزاه ما هما لسه تحت الحصار و لا انت انسان بس لحد ما تيجى لك الاوامر من بره
-عموما ايه الجديد فى الموضوع دا ما هى دى لغة الحكومة المصرية من زمان قوى لو ماكانش بالمقال يبقى بالفعل
اللى حيعدى الحدود حنكسر رجله
اللى حيتكلم حنقطع لسانه
اللى حيكتب رايه بصراحة حنجلده
اللى حيخالف اوامرنا حنسجنه
و اللى حيفكر حتى حا نكسر دماغه
لكن اللى حيسرق اموال عامة حنسامحه
اللى حيختلس مش حنكلمه
اللى عبارته حتغرق و تموت الف واحد حنهربه
اللى حيبيع مخدرات حناخد منه عمولة و نسيبه يبيع اللى هو عاوزه
حتى الجاسوس حنرجعه بلده معزز مكرم
- من الاخر كده يا عم الوزير البلد دى مش العزبة بتاعة ابوك تدخل اللى انت عاوزة و تطرد اللى انت عايزة
دا انت اصلا جاى بالتزوير انت و حكومتك و حزبك و نظامك الحاكم كله و رئيسك । و البلد دى ملك اهلها و اهلها دول بيعتبروا الفلسطينيين اخواتهم و بلدنا هى بلدهم و بيوتنا و قلوبنا مفتوحة لهم غصب عنك و عن الصهاينة اللى مشغلينك .
ليست هناك تعليقات:
إرسال تعليق