عيش جبان تموت مستور

بيت الأرقم بن أبى الأرقم موعود
بنزول و صعود
مين طالع ؟؟
مين نازل ؟؟
فى صلاة الفجر علو الصوت مرفوض
أخفض صوتك يا بلال
اصل الجامع مرصود
و بلاش تكبير
وياريت بالمرة تبطل خالص
صلاة و سجود
ابو بكر
عمر
عثمان
تنظيم سرى
ام سلمة
لابسة حجابك ليه ؟؟
قولى . قرى
و على فى القايمة رمز الارهاب
بيقول عايزين الدين دولة
و للمرأة حجاب
و بيطلب تحكيم القرآن و السنة
و الشرع يعود
دا كلام ؟؟؟
و السلام ؟؟
و الصلح مع التلمود ؟؟
نلحس كلمة شرف قلناها مع شوشو
و لا نخون عهدنا زى اليهود
كبر دماغك يا عم
و قول ورايا على العود
علمانية او شيوعية
أحلى كلام
نصب و ظلم وحزب كباكا
كله تمام
انما ترفع صوتك
او تنطق بالإسلام
اوعى يا صاحبى
تبقى عميل و اجير
و بتهدم فى الاحلام
تبقى حرامى و مجرم
عملك كله حرام
تطلع صورتك فى الجرنان جنب الرقاصة
انت المجرم
انما هى قضت اليوم فى صيام و قيام
اوعاك ترفع صوتك تهتف للاسلام
اوعى يا صاحبى

*****
عايز كل بيبان الدنيا تتفتح لك ؟؟
عيش قرطاس
زى الناس ما بتعمل اعمل
هو انت مش ضمن الناس
اكذب اسرق
عيش فى الدنيا شيطان خناس
البس سلسلة اختك
و اسحب كلب لولو
علق بنت جيرانكو
غنى و قول ظلموه
انا ترفع صوتك تهتف للاسلام
اوعى يا صاحبى
روح بيع لك حته من القدس
سيبك من اللى يقول خاينين
خليك مع امريكا حيبقى معاك ملايين
صلى ركعتين لبوش
ادعى لبوتين
طوف برابين
انما ترفع صوتك تهتف بالاسلام
اوعى ياصاحبى
و ختام قولى طبعا عارف
اعمل عكس كلامى يا صاحبى